أم الخير
طول عمرك
يا دى البلد منكوب
مغلوب ومضروب
ب ١٠٠ مركوب
من فجر تاريخك
لازم تبات مغصوب
شارب كاسات المر
ولا غيره كاس مشروب
اتراك وشركس، مماليك ،
فرانسيس ،انجليز
من كل دول منهوب
حلفوا بكل الملل
الا يسبوك مخروب
والمصرى غلبان
على لقمته شقيان
مصلوب ف كل ميدان
ولا بايدان سجان
يعيش حياته مهان
ياللى الغريب نهبك
حتى القريب رهبك
وحرمنا من دهبك
يا مصر يا ام الخير
يا ام القطان قناطير
مش لاقى فيكى ضمير
جايز يكون مشطوب
بقلم / محمد فصيح
ليست هناك تعليقات:
إرسال تعليق