تمت إضافة صورة جديدة من قبل نادر المغلوب.
!! _ _ _! _ _إدمان _ _ ! _ _ _!!
بداية القصه بسجاره
وإزازة بيره في الحاره
أولها هزار وشطاره
وأخرها ندمان بمراره
بدايتها يا عالم مع صاحبي
والدنيا يا عالم دواره
إداني سجاره فيوم مره
وشربت ونفسي أماره
والتانيه كانت في السهره
والشله عامله خماره
شربت بيره في كوبايه
ووراها إزازه وسيجاره
وشربت حشيشه علي كانشه
حسيت بدماغي في طياره
أتاريني رايح للمنفي
وبقيت أنا سمكه بسناره
ويوم وري يوم بقت إدمان
وشغلي بروحه في زياره
وإطور كيفي وبقي سطرين
والكاس والخمره غداره
لحد ماراح مني المال
وعمري عيشته بخساره
ونمت وقمت وأشوف بالعين
ناس بتبكي بمراره
وأبويا وأمي كمان واقفين
والناس بتعزي بحراره
روحت أشوف الميت مين
وأودع روحه بإشاره
لقيت جسمي في القبر سجين
وأنا روحي بينهم دواره
لو شوفتوا زيي ياناس مين
هتلاقوا أجيال منهاره
مش بس الإدمان تدخين
دا طرقه كتيره بغزاره
ورجال كبار أعمال فاسدين
وحكومه معاهم في تجاره
ربنا يسترها يابني أدمين
من ناس قلوبها غداره
بقلم
نادر المغلوب
ليست هناك تعليقات:
إرسال تعليق