* ****بنت ع الفيس********
عيني علي زمن العجاب
حاجه من غرائب الاغراب
بنت قاعدة علي الشات
قاعدة تنازل ولاد و بنات
جالها كتير طلبات
تقبل ولاد وتحذف بنات
الواد يقول هاي ترد
تقول انا مستنياك من ساعات
كلمها ولد تاني
تقول كل الحب ده علشاني
بقي معاها بدل الحبيب اتنين
بقت محتاره تكلم مين
حبيبتي نفسي اشوفك يا نور العين
ازاي و أمتي و فين
حبيبي أسفه النت عني هيتفصل
ممكن تبعت لي كارت أو كارتين
في ثواني الكارت عندك
و يا عيني علي المغفلين
الكارت وصل حبيبتي
وصل بس انا قولت اتنين
حبيبتي نفسي في صوره
صوره واحده قول تلاته قول اتنين
تبعت صوره مش ليها
يعني هو كان شافها فين
صوره حلوه و قموره
و معاها كمان كلمتين
كلام حب و غرام
كلام شوق و حنين
تاني واحد كلمها
عمره قول فوق الستين
عامل نفسه يشغلها
يا عم انت هاروح منها فين
في ناس كتير في سكتها
دي مدوباهم قبل منك اتنين
حبيبتي انتي واحشأااااااااااااااااااااني
و انت كمان يا نور العين
دا إبليس قاعد معاها
يديها من الأفكار ملايين
أصل الكلام علي هواها
و في يوم واحد بقي العدد 200
كتر الكلام معاها
مش عارفه تكلم مين
لو مره بنت تكلمها
تقول أسفه و متشكرين
الغش أصلي في حياتها
و أهلها ولا دريانيين
ذاد الكلام بقي في الحرام
يعني هي بتخاف من مين
يابنت و الله عليكي حرام
خافي من رب العالمين
خليكي فكره الكلام
كله سلف و دين
يا بنتي حرام عليكي الآذان
سمعاه قومي صلي ركعتين
اعملي حاجه في حياتك تنفعك في يوم الدين
**************بنت ع الفيس***************
بقلمي / عبيد رياض ( عبيد آل حريقه )
مع ( اميره حبي انا)
10/6/2015
ليست هناك تعليقات:
إرسال تعليق