نـَــوَّرُوا فـَوانيـِسـْنـَا ( أغــــــــنـيــــــــة)
=========================
صـلــُّوا على الهادى نبينـا ... رمضـان أهـُو هـَـلْ علينــا
رَجـَّـعْ يازمـان غنــاوينـــا ... فـرَّحـْنــا إحـْـنــا وأهالينــا
دا الصــوم فيـك بيقــََّوينــا ... ويصبــَّرْنــــا ويحـْيــِيــِنـــا
والصــلاهْ فيــك بـتـعــلينـا ... وتـنـَـوَّرنـــا وتهـْــــدينــــا
أعمـــال الخيـــر ترضينـــا ... وبتـــاخــــد آه بـــإيـدينـــا
والجودة بالموجود
نــوَّروا ياعيال فــوانيسنـا ... رمضان جانــــا يُـوَنـِسنـــا
وزَّعــُوا بقى كل فلـوسنـــا ... صدقــات علشان تحرصنـا
واحـذروا م الشر يدوسنــا ... عن ليلة القـَـدْر يُحـوشنـــا
واجمعوا حسنات بالحسنى ... تبقــى لآخرِتـْـنــا عروسنـا
والخير دايما موجود
رمضــان يا أحلـــى هديــَّة ... جـَمـَّـعـْـت العـيـلــة ديـــــَّـة
بنفــوس صافيـــة منـَـديـَّة ... بالصلاه والصـوم والنيــَّــة
والصحبــــة والنقـــديــّـــَة ... والجـيـــرة والعــنـــاديــَّــة
والفــوضــى والملاغــيـــَّة ... بقـــُـوا سكر جُـــوَّه الميــَّة
والصبر مالوهش حدود
هـِللــِّى ياأفـراحنــا علينـــا ... رمضـان هيــأثــَــرْ فينـــــا
بعــد ما نـَـوَّر ليـــــالينــــا ... هـــايسيبنـــــا ويـعــديـنـــا
كان شهر وغالــى عليـنــا ... هـــايفوتـْنــا ومش بإيدينـا
إمتى هايرجع ويعود
........................................................................................
أيمن يوسف أحمد يوسف
مصر - بورسعيد
كل عام وأنتم بخير - رمضان كريم
( 1436 هـ --- 2015 م
ليست هناك تعليقات:
إرسال تعليق