بقلـــــــم: عــــــادل الشــــــهـــابى " وردتيـــــــن "

وردتيـــــــن

سألونى روحت فين وجاى منين ...

قولت روحت زرعت وردتين ..

ورده للحب وورده للحنين ...

وتالته كمان للعاشقين ...

اللى فى ليل الغرام سهرانين ..

وقلبهم دايب شوق وحنين ..

ولو جفت الميه أسقيهم بدموع العين ...

زرعت ورده للموعود ... 

الل فى حبه عدى كل الحدود ....

واللى بينه وبين حبيبه مفيش أبداً قيود ...

وفيه ورده للشاب الغيور ...

اللى علشان حبيبته يعدى بحور ...

واللى قلبه عليها دايما مشغول ...

وأدى ورده لكل القلوب ...

اللى بيآمن بالقسمه والمكتوب ..

واللى فى عشقه صادق مش تاجر قلوب ...

حبيبتى تعالى نعيش الحياه ...

قلبك أثرنى وأخدنى معاه ...

حبيبتى العشق معاكى بلغ منتهاه ...

تعالى وسبينا من كلام الناس ...

تعالى نطفى الشوق والأحساس ...

تعالى دى عيونى عليكى حراس ...

زرعتلك بستان من الورود ...

ورده تعيد الحب والتانيه تزيل الحدود ..

وورده تخلى البسمه على الشفايف من تانى تعود ..

بقلـــــــم: عــــــادل الشــــــهـــابى