الفساد
بقلم الشاعر يوسف الحمله
15/9/2015
الفساد ٠٠٠ الفساد ٠٠٠ الفساد
ياناس ياهووه العرض إلحقوه
دي فرصة العمر إوعو تفوتوه
وروح ياربيع وقول للجميع
إن معانا فسااااااااد للبيع
فساد يناسب كل الأوقات
وفساد يناسب كل الحالات
ده غير إللي في الوزارات
وغير إللي في المحليات
وتعالى ياام محمد
وتعالى ياام حسين
العرض ده لمدة يومين
وعرضنا ده عرض حصري
من مؤسسات الشعب المصري
وأول يوم بعنا بملايين
عايزين نوصل بقى للمليارات
زي الأبلسه بتوع الوزارات
وزي الأبلسه بتوع المحليات
ماراح خلاص زمن العصامي
وبقينا في زمن الحرااااااامي
وتعالى ياام محمد
وتعالى ياام حسين
العرض ده لمدة يومين
رشوة تلاقي خيانة تلاقي
سوء إستخدام سُلطة تلاقي
حتى الإنهيار الأخلاقي تلاقي
إحنا معانا من عضة فار
للدغة العقرب في الشراقي
ياللا بسرعه يااخونا
العرض فاضل فيه ساعتين
والرجل الكبير شديد ومتين
وإللي بيقع بيسد برقبته
وأنا مفيش ورايا ولا غلطة
مع إني لهطيتلي كام لهطة
ومن أول مره
غمضت عين وفتحت عين
لقيت في حجري مليونين
وياناس ياهووه العرض إلحقوه
دي فرصة العمر إوعو تفوتوه
وروح ياربيع وقول للجميع
إن معانا فساااااااااد للبيع
فساد ٠٠٠ فساد ٠٠٠ فساد
،،،،،،،،،،،،،،،،،،،،،،،،،،،،،،
الفساد
بقلم الشاعر يوسف الحمله
15/9/2015
ليست هناك تعليقات:
إرسال تعليق