(الدوا من بين صدورنا )
العزيز
كبة تاخد المعيز
واللى ثأثأ
واللى فأفأ
واللى دلدق زى كوز
واللى غامق زى ليل
والمقلضم والمشلضم
واللى ماطط منه بوز
واللى فاتح قلبه غرزة
واللى صوته كالازيز
واللى عامل بيته معمل
للقنابل
والحرابة ساكنة فيه
للتشيطن كم خريطة
حدوا فيها مين سيقتل
كل اسم وله سفيه
واللى بايع حضن أمه
بالروبية
أو بشيكل أو دولار
شىء يجنن
عقل فينا
شىء بيقفل ع النهار
المداخل فيها شلة
والقوافل مستحلة
للأهلة
والمسار
كل يوم نغلق ف جحر
نلقى جحر بينفتح
من تحت بابنا
كالعرس
والفرس من كتر جريه
هدهم
لكنهم زى البرص
متنتورين ف الجسم كله
باستحله
والدوا مش م الموساد
أو عم سام
الدوا من بين صدورنا
لما تنبض فيها روحنا
مش رخام
الدوا مصل المحبة نجهزه
وقت الخصام
الدوا دمعة بتنزل
فيها نار حرقة وملام
لما طفلة تنقتل
زى وردة بيقطفوها
بسيف ضلام
الدوا نزرع حياتنا
بالسلام
الشاعر وحيد راعب عضو اتحاد كتاب مصر
ليست هناك تعليقات:
إرسال تعليق