قصيدة التعليم
========
ياسر شرف-
بصيت بدقة لحال التعليم لقيت سناتر شمال ويمين
حساب وعربى وكمان دين لغات عديدة ومدرسين
وكأنه مول او سوق وكبير بيبيعوا فيه مواد التعليم
وفيه كمان موضات صيحات كوافير حريمى مع قصات
جلابية عربي بكم طويل وازار مطرز كمان للدين
والانجليزى مايوه وبكين مفتوح بشدة من الجانبين
أما الحساب ده قميص درجات يرفع يقسم فى القسمات
وعلوم كتيرة بشورت قصير معمول بدقة بدون تفسير
ودراسات بودى ابو التضاريس مزنوق بشدة بشكل يغيظ
والرسم فستان كده ألوان يطلع وينزل باستخدام
والكمبيوتر بدلة بفتحة سوفت وهارد وكمان عدلة
وفن الموسيقى حزام هزاز يطرب ويسعد كل الناس
بديل وكانه فيه مدارس وفيه المدرس كمان فارس
وتلاقى برضه له مساعدين واقفين يساعدوا شمال ويمين
بضمير وشرح عظيم ومتين بفلوس كتيرة للقادرين
هجرة مدارس حكومية لسناتر كبيرة وخصوصية
وزمان دى كانت حكومية ولغات وبرضه تجريبية
وكان فيها برضه ضمير وعظيم وتربية يعنى مع تعليم
دلوقت صارت بلا تعليم وتجارة رابحة بالملايين
عايزين يا ناس كله تغيير فى الفكر برضه وفى التعليم.
مع تحيات الفقير الى الله
ياسر شرف-
ليست هناك تعليقات:
إرسال تعليق