الشاعر وحيد راغب
(واحنا حنطنا السكات )
المقدس..
بسرقوه ويحطموه
واحنا لبلب فى الكلام
اى فعل بنصرخوه
ونشوف منام
هو طه لم سابنا
راح ماسابشى أى منهج
ولا ساب قرآن لربى
نتلقى وقت اختلافنا
ونختلف وقت لقانا
وقت عوزة نستخبى مش نلبى
كل موجب فينا هارب
ما تلقيش غير كل سلبى
صبوا انواع الدياثة
بين عنينا
والكياسة سربوها الفجر منا
ف كل مينا
خطوا لينا العهر نشرب
قمنا عدينا الكاسات
الصخور ف الاقصى صرخت
واحنا حنطنا السكات
مرة ننشر دمع عينا
ف الجرايد ..ع الحبال
القلوب مرضت خلاص
والجهاد فوق الاحتمال
والمثل بقى بينا يمرح
لو خرب لابوك جدار
خده منه قالب
البقاء للى يغمى
روح بتمرع كالتعالب
ليه تحارب
وكلهم جوا البيوت
ليلهم احمر
عين جالوت
فات زمانها
واللى يطلع من جحوره
يلقى نفسه ف حضن موت
هما راحوا
ويا صرخة معتصمهم
والفاروق وصلاح بيبكوا
من ألمهم
بس برده فينا نخوة
واحنا مسلوبى القرار
والقلوب براكين بتغلى
فى انتظار طلعة نهار
الشاعر وحيد راغب
ليست هناك تعليقات:
إرسال تعليق