مره هم مره سعاده مره حرقة دم
مره توفيق و مره بُكا و ضيق
مره احزن على اللى راح
مره الاقى الدنيا براح
و ارجع تانى للحزن و المرار
اول ما اسمع نشره الاخبار
و اسمع عن شباب زى الورد
بيتقلوا بالجوز و الفرد
تسودّ الدنيا فى عينيه
و اكره نفسى و حياتى
و بعد ما تضيق الدنيا عليه
تظهر اجمل صفاتى
و ضوء و دُعا ف صلاتى
ادعى ربى بخوف و حب
يعفى عن بلدى و يفُك الكرب
و اسألوا عنى شهودى
على دموعى ف سجودى
دموع بتتوسل للرحمن
يعفى عن الشعب الغلبان
و يزيح الغُمّه و ينوّر طريق الامه
و ربى ودود بيوفى العهود
ذكر مصر فى القراان
و بأمره محميّه لاخر الزمان
ليست هناك تعليقات:
إرسال تعليق