وجوايا الوجع
بقلم تامر النقيب
---*****-----
وجوايا الوجع متاهات
وحاسس جوه بالوحده
وحاسك ياهوا حكايات
وبكتب قصتي بغنوه
نهاري خلاص بقي يضلم
في بعدك قلبي يتألم
ومش قادر انا اتكلم
وحاسس ضعفي مش قوه
خلاص حاسس منيش مرغوب
وانا دايب بحبك دوب
وعاشقك ياللي مالكه قلوب
وشايلك بالحشا جوة
قوليلي ليه تسيبني ومن غير ذنب
جزائي ان انا عشقتك وكلي حب
زهقتي ولا مش قادره
وبايعه ولا لي شاريه
وهبتك روحي وحياتي
لكنك ليه تحبي الهجر والقسوة
ظروفك عني ليه تمنع
بإنك تسألي عني
وتيجي تقولي اهمالك يجنني
برغم عليكي اكون مشغول
وابعتلك رساله لوم
وافكر فيكي انا علي طول
واحس بإني مش فارق
ونسياني وعندك حبي ولايسوي
تعالي وقولي ليه البعد
وفين حبك وفين الوعد
وفين العهد مابينا
بيباني كلها بتتسد
ونار جوايا تحرقني
وماتت فيا ميت غنوة
وضاعت مني ضحكاتي
وقاتلني الوجع جوة
تامر النقيب. من مؤلفاتي وليس منقولا
ليست هناك تعليقات:
إرسال تعليق