مهما اختلفنا واتجادلنا **
اكيد انا وانت بنحبها
وعشان اثبتلك كلامي **
تعال نكتب اسمها
هي هي نفس الحروف **
نفس الظروف وانت معايا عشتها
الميم مصيرنا **
و تحديات لاذم نكون قدها
والصاد صبرت انا وانت سنين **
وياما صبر شعبها
والراء رايتها في ايدي وايدك **
الشمس غارت منها
هي دي حروف مصر يا صاحبي **
لا اختلاف في وصفها
الاختلاف علي كرسي فاني **
وجماعات بتلعن بعضها
بس الاصيل فيها يا صاحبي
هو اللي يعمر ارضها **
هو ال بيشغل مكانها **
هو ال يعلم أهلها **
هو الطبيب المداوي **
علماء ترفع شأنها
هم السهرانين علي الحدود **
جنود رسولنا حبها
وفلاحين جوه الغيطان **
ريحة عرقهم عطرها
وعمال عفية جوه المصانع **
والكل بارع يا بختها
الكل في جمالها هايم **
عاشق سماها وارضها
فمهما اختلفنا انا وانت يا صاحبي **
اكيد انا وانت بنحبها
انا وانت طالبين ايديها **
* وعريسها ال هيدفع مهرها
ليست هناك تعليقات:
إرسال تعليق