حظة أمل متشوقين
الحلم غايب من سنين
والقلب عايش مستكين
والحب فى العمر الحزين
لحظة أمل مستنين
لما اللقا يبقى فراق
والهجر هو الاشتياق
والحق لابس توب نفاق
لما العرج حَكم السباق
والعدل ساكن فى الزقاق
ارمي على الدنيا طلاق
ورغم المرار اللى أترسم
فوق الجبين
سَودْ ليالي السهرانين
نقص قلوب العاشقين
رغم انتكاس الحب
رغم الحاقدين
الحاسدين
مستنين لحظة شروق
يمكن نفوق
والحال يروق
لكن مافيش باين أمل
طب والعمل
نعيش كده طول عمرنا
متشوقين ؟
ومن السعادة محرومين ؟
ونعيش حياتنا تعبانين
ولا الحكاية إننا متغربين
واخدين على ظلم السنين
على كل لون متلونين
ورضينا حكم المجرمين
وكرهنا حضن المهتدين
الحامدين
الراكعين الساجدين
العابدين المتقين
القانتين
ولا الخداع اللى أتولد
زين حياة المجرمين
العابثين
الخائنين الحاقدين
طب كاف وسين
للغدارين
الكاف
كنا زمان متسلسلين
والسين
سنين مرة وعجاف
متغربين
يبقى الشروق تاه مننا
والحلم عمره ما راح يكون
من كاف ونون
وال ف عزيزة فى فرحنا
لو جت ف يوم مع
كاف ونون
هتلمنا
ونلاقى يطلع حلمنا
من وسطنا
نفرح ونحضن بعضا
ما هى مصر تبقي أمنا
كلنا
وهى حياتنا وعمرنا
ليست هناك تعليقات:
إرسال تعليق