إخترتيني ليه
*************
مابينك وبينه حنين غلاب
مابينك وبينه أشواق وعتاب
بتحبيه وبتدوبي فيه
وسبتيه ولا نستيه
لما إنتي لسه بتحبيه
إخترتيني ليه ؟
لما إنتي لسه بتعشقيه
إخترتيني ليه ؟
إخترتيني للجراح والعذاب
بتكلميني عنه كتير وإنتي معايا
بتقولي إنه وإنه كتير وإنتي معايا
ليه حبتيه وألامتيه ليه ؟
ليه سبتيه وظلمتيه ليه ؟
وبعد ما حبيتك أنا ٠٠٠٠٠
راجعة تاني تحني إليه ليه ؟
أنا عاشق وأعرف أحب
وأحس بغيري
وعشان بحب وليا قلب
براعي ضميري
ليه متحملتيش عشانه ليه ؟
ليه سبتيه أسير أحزانه ليه ؟
كان م الصعب تهوني عليه
وبرغم إنك حاسة بيه
وهان عليكي تبكي عنيه
ليييييييييه ؟؟؟؟؟؟
كل عاشق له طريقة
وله حاجات تظهر عليه
كنتي قوليلي علي الحقيقة
قبل ماكنتي تودعيه
إخترتيني عشان تنسيه
وف النهاية تقرنيني بيه
لما إنتي لسه بتحبيه
إخترتيني ليه ؟
لما إنتي لسه بتعشقيه
إخترتيني ليه ؟
إخترتيني للجراح والعذاب
**************
إخترتيني ليه
بقلم الشاعر يوسف الحمله
17/5/2015
ليست هناك تعليقات:
إرسال تعليق