سيبنـــى اعيش ( أغنيــــــة )
=================
بعد ماتعشقنى وتهوانى
بعد ماتسكن جوه كيانى
اسأل نفسك ايه خلانى
ابعد وانسى واغيب
اصلك كدبة جوه هوايا
اصلك وهم عايش جوايا
اصلك خونت العهد معايا
اصلك شىء تقليد
قلبى نسيته معاك ضيعته
حتى الامل الفاضل بعته
عش هوانا هدمته كسرته
درس اتعلمته اكيد
اصل الطيبة دى شىء جوايا
اعمى الحب نصيبه مرايا
مهما هايضحك يبكى نهاية
ضحكك مش هايفيد
فاكر انى رجعت اصالحه
وانسى جراح الحب واسامحه
علشان مرة رحت اصافحه
فكرك راح لبعيد
خليك دايما صافى النية
واملا قلبك بالحنيه
تلقى طريق الحب هدية
وتعيش يومك عيد
انت خلاص كده بالنسبة لى
عمرى ما افكر ترجع تانى
مهما هاتبكى ودمعك غالى
وتعيش مرة جراح
غلطة ومش منك او منى
بعدك عنى بيطمنى
عمرى ماحسيت انك منى
سيبنى اعيش وارتاح
................................
ايمن يوسف احمد يوسف
مصر - بورسعيد
ليست هناك تعليقات:
إرسال تعليق