ياناس مالكم ؟
جرالكم إيه ؟
أطباعكم ليه بتتغير
ياناس كانت زى المﻻيكة
بكلمة تحب وبتفرح
وكان فيه ناس
وقت الفراق
فى الذكريات تسرح
وقليل من الناس
كانت من غير سبب بتخون
وتظلم غيرها وبتجرح
وناس ملهاش بين القلوب مطرح
وناس عايشين
بين اﻷنين والخوف
والحزن شئ عادي ومألوف
ودايما حاسة بالوحدة
ولو عاشت فى وسط ألوف
وناس بﻻ رحمة وﻻ تقوى
وناس مستنين غلطة
وواقفين لك على الواحدة
وناس أﻻعيبها مكشوفة
وناس من الزحمة مدووشة
وناس أخﻻقها معدومة
بتتلوى كما اﻷفعى
وعاوزين يعرفوا سرك
علشان تستغلك بيه
باقى سنين عمرك
وناس طيوبة عفوية
وعايشة فى حالة مرضية
ياريتنا نعود للمتنا وصحبتنا وأهلينا
وزى زمان فى عطلتنا واجازتنا
وبيت العيلة يجمعنا بإخواتنا وأوﻻدنا
ويجمع شملنا ونعود لعاداتنا وتقاليدنا
اللى ماعاد منها أي وجود
ياريت نرجع ونتعامل ونتحمل
بعض زى زمان
جرالكم ايه
بقلمي"فيفى صيام"
ليست هناك تعليقات:
إرسال تعليق